Karamihan sa mga metro na ikinabit nuong panahon ng BATELCO ay pinapalitan na po ng PENELCO o yung tinatawag na "Obsolete meter". Dagdag pa rin dito ay ang "stock-up meter" na kapag pareho ang kumbinasyon na numero na binabayaran sa reading ng present at previous sa resibo sa ilaw ay nangangahulugan ito na stock na iyon at kailangan ng palitan. Ang dalawang nabanggit na metro ay malilibre lamang sa kundisyon na kayo ay lehitimong member consumer. Ito ang isang magandang pribelehiyo ng PENELCO na dapat ay naka miyembro kayo

Kung may katanungan pa rin kayo tungkol sa binabayaran sa ilaw na hindi sakop sa nabanggit na libre ay maaari na ipa check ang inyong mga linya at positibong maaaring sa linya ng inyong kuryente ang problema. Pinapayuhan na tumawag ng private electrician upang mabisita ang pinagdadaluyan ng inyong kuryente.

Sa kasalukuyan ang PENELCO ay patuloy sa pagpapalit ng mga obsolete meters sa ibat-ibang bayan ng Bataan. Ito ay malaking tulong sa ating kooperatiba sa pagpapababa ng ating system loss at taripa na babayaran sa NPC-TRANSCO.

Pinapayuhan ang mga member consumers na kung sakaling ganitong modelo ang inyong mga metro o kuntador na hindi pa nabibisita ng PENELCO ay ipagbigay alam lamang sa PENELCO inyong nasasakupan upang mapalitan ng libre. (ni Gina M. Jorge)