Kabi-kabilang panawagan at miting hanggang sa kasalukuyan ang dinadaluhan ng mga staff ng PENELCO sa Sanguniang Bayan ng lalawigan at miting ng mga Asosasyon ng Barangay Captains hinggil sa paksang ito. Kung ating iisipin dapat pa tayong magalak sapagkat ginagawa ng Pamunuan ng PENELCO ang makabubuti para sa kooperatiba at sa mga mamamayan ng Bataan. Subukan nating tingnan ang mga karatig lugar sa Luzon, Visayas at Mindanao. Dito sa Luzon, isa lamang ang PENELCO sa nakapagpa-ilaw ng 100% Barangay pati na rin mga Sitios.

Kung hinihingi ng pagkakataon ay magkaroon sana tayo ng paghahambing o paghahalintulad sa ibang kooperatiba sa larangan ng elektrisidad. Lingid po sa kaalaman ng lahat ang PENELCO ang isa sa may pinakamababang singil ng kuryente sa buong Luzon na P3.3413 para sa mga residential users kaya lang umabot ng P4.6698 ay dahil sa hiwalay na charges na singil ng ating gobyerno. Ang dating bagsak na BATELCO ay muling bumangon sa pangalan ng PENELCO na tumanggap ng maraming parangal ng pagkilala bilang Most Oustanding Coop in the Philippines. At sa kasalukuyan ay nakapagpatayo ng sari-sariling substation sa bawat kabayanan ng Bataan na sa pamamagitan nito ay maiiwasan ang madalas na brownout.

Higit sa lahat, humihingi po ang PENELCO ng mas higit ninyong pang-unawa sa operasyon sa ngayon, sapagkat hindi lamang ang PENELCO ang kumakaharap sa matinding crisis sa kuryente kundi ang buong kooperatiba sa Pilipinas sa larangan ng elektrisidad.