Sa kasalukuyan, ang Bapa Staff ay abala sa pagpunta sa lugar ng mga Bapa upang manguna at magbigay assistance sa pagpapalit ng mga pamunuan o opisyales. Karamihan sa mga namumunong opisyales ng Bapa ay tapos na ang kanilang dalawang taong termino ng panunungkulan kung kayat tag-ulan man o tag-araw patuloy ang Bapa Staff sa pagco-conduct ng election.

Ang lahat ng Service Centers ng Penelco ay patuloy na nagbibigay ng 10 araw na palugit sa lahat ng Bapa pagkatanggap ng Statement of Account nito para mabayaran ang naging konsumo ng kanilang Mother Meter. Ang patakaran na ito ay isinasagawa para paalalahanan ang lahat ng opisyales ng Bapa lalong lalo na ang VC-Finance o Ingat-Yaman ng samahan upang maiwasan na maputulan ng serbisyo ng koryente. Ang bagay na ito ay mahigpit na ipinapatupad sa lahat ng Bapa upang maiwasan na rin ang paggastos ng walang kabuluhan at pagwaldas sa pondo at nang hindi maipon ang babayarin sa Mother Meter na magiging malaking suliranin ng samahan. Dahil dito, ang pakikiisa, kooperasyon at obligasyon ng bawat kasapi sa pagbabayad ng nakonsumo sa koryente ay kailangang gampanan upang maiwasan na muling magdilim ang inyong lugar o Bapa. (Ni: Carmen D. Cruz)