Buwan ng Hunyo hanggang Oktubre ay panahon ng tag-ulan. Ito ang buwan na mas higit na hirap ang ating mga linemen, collectors at meter readers.

Ang sunod-sunod na brownout sa Dinalupihan mula Luacan hanggang Bangal, Dinalupihan ay hindi tuwirang kagustuhan ng Penelco na mawalan ng power. Para po sa inyong kaalaman, ang pagkakaroon ng ganitong brownout sa inyong nasasakupang barangay ay para sa lalong ikagaganda at ikaaayos ng inyong mga linya. Ibayong hirap at pagod ang dinaranas ng ating mga linemen at dahil dito ay inihihiwalay na o pineprepara na ang magandang layunin ng Penelco ng sa darating na panahon ay magkakaroon na ng sariling substation sa Colo Dinalupihan para sa mga karatig barangay na nasasakupan. Kung ito ay maisasakatuparan na ay lalong ibayong kaluwagan para sa ating lahat. Maiiwasan ang posibleng overloading ng substation dahil sa hindi mapigilang paglago ng ating ekonomiya. Higit sa lahat ang serbisyo ng Penelco ay serbisyong totoo na maihahain ng kooperatiba para sa ating mga kababayan.

Sa kabila ng magandang panukala ng Penelco nanduon pa rin ang hirap ng trabaho ng ating mga linemen. Nanduon ang matuyuan ng pawis habang rumaragasa sila sa trabaho sa kalakasan ng kulog, kidlat at ulan. Maghapon basa at halos malipasan ng pagkain sa kagustuhan matapos kaagad ang trabaho bago dumating ang alas singko ng hapon. Sa dami ng consumers na pinaglilingkuran at pinagsisilbihan ay pagod talaga ang dinadanas. Sana naman po ay maintindihan natin ang kahalagahan ng kanilang trabaho.

Kung sakaling kayo ay makaranas ng no power o brownout mangyari na magtungo lamang tayo sa Penelco sub-office na ating nasasakupan at pirmahan ang consumer complaint report ng sa ganun ay matugunan namin ang inyong hinaing o reklamo sa kuryente. Laging tandaan madaling matugunan ang inyong reklamo kung tayo ay dadaan sa tamang proseso. Trabaho ng ating linemen ang tingnan ang lahat ng complaint para sa araw na iyon. Ang mga nagreport ng personal sa tanggapan ng Penelco na pumirma sa complaint report ang matutugunan lamang ng Penelco lineman. Kung shifting time naman at verbal lamang ang complaint ay posibleng makaligtaan ang reklamo . Para po sa inyong kaalaman magyaring magtungo lamang po tayo sa ating Penelco sub-office upang maaksiyonan ang inyong reklamo o kung nasa field ang ating linemen at emergency cases maaari po kayong humingi ng tulong sa alin mang tangapan o branch ng Penelco para sa mabilis na aksyon.