Dumating na naman ang kapaskuhan, muli nating maririnig ang magagandang Christmas carol na siyang nagpapasaya ng kapanahunan ito. Nariyan rin ang mga Christmas party ng mga iba’t ibang BAPA.

Kaugnay nito, marami na ring BAPA ang nakapag bigay ng kanila mga regalo o balik tangkilik sa mga mamimili-asapi nito. Nakaugalian na ibigay ito tuwing sasapit ang kapaskuhan, Nariyan na nagbibigay ang iba’t ibang BAPA ng mga grocery items at mga pagkaing pamasko.

Sa kabila ng kapaskuhan, hindi pa rin tumitgil ang PENELCO at BAPA sa pagpapailaw ng mga sitio sa boung Bataan. Sa katunayan, dalawang Bapa ang muli na namang umusbong. Una, ang Bapa Greater Bani P-2, Balanga City noong Dec. 4, 2009 at ang Bapa Sitio Silangan (NIA) sa Bayan ng Orion noong Dec. 10, 2009. Patunay ito sa adhikain ng PENELCO na mapailawan ang lahat ng sulok ng Bataan. Kaugnay nito, ang PENELCO sa ngayon ay 100% energized sitios, na siyang lubos na ikinagagalak ng pamunuan ng PENELCO at buong pusong pasasalamat sa mamimili-kaspi nito. Nawa, ang ganitong mga gawain ay ipagpatuloy natin hanggang sa mga susunod na henerasyon. Sa kabila ng kapaskuhan, hindi pa rin tumitigil ang PENELCO at BAPA sa pagpapailaw ng mga sitio sa buong Bataan.

Mula sa buong staff ng BAPA at PENELCO, malugod naming kayong binabati ng isang maligayang pasko at masaganang bagong taon.