Pagsikapan mong maging karapatdapat sa Diyos, manggagawang walang dapat ikahiya at tapat na nagtuturo ng

katotohanan 2 Tim 2:15.

Isang masipag at may takot sa Diyos ang bagong kumakatawan sa Distrito ng Pilar upang maging boses ng mga member -

consumers na nahalal noong ika-7 ng Pebrero 2009. Siya ay may karanasan sa “economic marketing and management” at

sa karanasang ito ay natutunan niya upang maging matatag at matapat na namumuno na siyang kailangan ng isang lider.

Isang karangalan ng Kooperatiba ang mapabilang si Dir. Christopher “Bong” F. Pizarro, 40 taong gulang, ipinanganak
noong ika-20 ng Oktubre 1968. Siya ang bunsong anak ng dating Mayor ng Pilar na si G. Carlos L. Pizarro at Gng.

Rosalinda F. Pizarro mula din sa bayan ng Pilar. Ang kanyang mga kapatid ay sina Grace P. Espiritu, Dr. Elizabeth

P. Serrano, at Mayor Charlie F. Pizarro.

Ang kanyang maybahay ay si Gng. Shirley Matias-Pizarro at sila ay nabiyayaan ng apat (4) na anak na sina: Averill

(16), Alfonso Carlo (14), Angelo Gabriel (13) at Arielle (10). Nagtapos si Dir. Bong ng AB Economics sa University

of Santo Tomas (UST) at nakapagaral din ng Automotive Technology sa De Anza University sa Cupertino, California.

Bago siya nahalal bilang Direktor ng PENELCO, siya ay namasukan bilang Production Supervisor sa isang advertising

firm, Graficad Creations, Inc. sa Alabang, Muntinlupa.

Bilang Direktor ng Pilar, siya ay humabol hindi dahil sa “popularidad” kundi dahil sa kagustuhan niyang

mapaglingkuran ang mga member-consumers at tunay na magmalasakit sa ating Kooperatiba, ang PENELCO.