Si Kuya Cesar ay tubong Orani at siya ay isinilang noong ika-8 ng Abril taong 1964.  Ang kanyang mga magulang ay sina Reymond Guevarra (yumao na) at si Lydia Awna.

Sa kanyang murang edad, si Kuya Cesar ay nagbuhos ng kanyang panahon sa pagtulong sa kanyang mga magulang at pag-aaral ng mabuti.  Siya ay nagtapos ng kanyang elementarya sa Mababang Paaralan ng Orani North noong 1976.  Lumipas ang panahon  at kanyang natapos ang sekondaryong antas ng pag-aaral sa Jose Rizal Institute sa Orani noong 1980.  Gayundin, nagtapos siya ng kolehiyo sa Bataan National School of Arts & Trade (BNSAT) na may kursong BS-Industrial Technology noong 1983.

Siya ay maligaya sa piling ng kanyang asawa na si Ludivina de Leon at dalawang anak na sina Mark Anthony (18 anyos) at Raymond (17 anyos) na siyang nagbibigay ng inspirasyon sa kanilang mag-asawa upang patuloy na magsumikap upang mapagkalooban sila ng magandang bukas.

Si Kuya Cesar ay larawan ng isang empleyadong mayroong mababang loob at may hangaring makatulong hindi lamang sa kanyang mga kasamahan higit sa lahat sa mga member- consumers ng ating Kooperatiba.